Lideri i BDI-së, Ali Ahmeti, në emisionin “Argument” bëri të ditur se zgjedhje që bëhen në degë janë më transparente që ka bërë ndonjëherë ndonjë parti politike shqiptare në vendin tonë.
“Asgjë nuk fshihet gjithçka është transparente. Deri më tani 97 përqind e drejtuesve të rinj, kryetar të këshillave vendor dhe kryetar të degëve janë figura të reja, përveç se në Prespë ku ka mbetur I mëparshmi. Nuk di vend tjetër se a ka ngelur ndonjë kryetar I kaluar në pozitën e njëjtë. Nuk duhet paragjykuar se kush do të jetë kryetar dege në vende tjera ende pa mos hyrë në garë duhet lërë momentin dhe në mënyrë të drejtpërdrejt në televizion dhe në facebook qytetarët mund të shohin përzgjedhjen e kryetarëve të degëve andaj këtë javë kemi zgjedhjen e kryesisë së degës në Tearcë për tu vërtetuar një gjë e tillë se sa demokratike është procesi në BDI ”, nënvizoi Ahmeti.
