Rreth orës 19:00, ish-ushtari i UÇK-së, Tomor Morina, ka hyrë në Kosovë, pasi sot u vendos për lirimin e tij nga paraburgimi në Maqedoninë e Veriut ku u mbajt që tre javë për shkak të një fletëarresti të lëshuar nga Interpoli me kërkesë të Serbisë.
Vetë Morina s’ka dashur të flasë për gazetarët në pikën kufitare në Han të Elezit, ndërsa familjarë të tij kanë konfirmuar për KTV-në se gjendja shëndetësore e ish-ushtarit të UÇK-së është e mirë dhe se ndaj tij në Maqedoni ka pasur trajtim korrekt.