Kryeministri i Maqedonisë, Zoran Zaev, ministri i finansave Dragan Tevdovski dhe drejtorja e DAP, Sonja Lukarevska, sot kanë paralajmëruar fillimin e projektit për kthimin e TVSH-së tek qytetarët, edhe atë për 15% duke filluar nga 1 korriku, ndërsa pagesa në transaksionet bankare do të bëhet në dhjetor.
Një familje prej katër anëtarëve mund të kthejë më së shumti deri në 28.800 denarë, gjegjësisht më të pasurit këtu do të kufizohen.
“Është me rëndësi se kjo masë do të jetë njësoj për të gjithë, gjegjësisht do të pasojë limit për të pasurit. Secili mundet që të bëjë matematikë të thjeshtë. Gjithësecili do të fitojë 27 denarë për 1000 denarë. Ajo në përqindje i bie diku rreth 15% nga TVSH-ja e paguar prej 18% të kuponit fiskal”. – ka deklaruar Zoran Zaev./Alsat
