Lebit Murtishi
Lexues të nderuar, mbrëmë nuk më pëlqeu reagimi i një
lexuesi ndaj shkrimit tim, dhe duke harruar kritikat e mia
të ashpra ndaj secilit politikan ose tekstshkrues qoftë, dhe
që nuk mendon si unë t’i zgjidhë problemet e grumbulluara
shqiptare, dhe duke harruar lirinë e mendimit dhe të shprehjes
së lirë – si të drejta universale të njeriut, i dërgova një
mesazh që nuk më përket mua, por ja që edhe unë jam pjesë
e tërësisë tuaj, edhe unë gaboj si ju të gjithë. Madje gaboj
edhe më shumë ndonjëherë përderisa merrem me shkrime dhe
kritika të kohëpaskohshme…Në fakt, gjë që nuk e arsyeton
veprimin tim, si zakonisht, nuk më pëlqejnë reagimet me pseudonime,
megjithatë, gjithkush ka zgjedhur mënyrën e vet për të
,,komunikuar” me publikun…
Më vonë u sqaruam sigurisht, kur personi me pseudonimin
Keli Kul, m’u përgjigj me një sjellje për t’i marrë lakmi, të cilën
ia dëshiroj çdo të riu shqiptar. Për fund, shfrytëzoj rastin edhe një
herë që, përveç faljes t’i lutem komentuesve të shumtë që të mos
përdorin fjalë që e pengojnë lexuesin tjetër dhe që mund të na
nxjerrin nga binarët edhe kur s’kemi të drejtë…
Me shumë respekt për të gjithë lexuesit e mi:
Lebit Murtishi
