Gruevski: Do më vrisnin në burg, prandaj ika në Hungari

Ish kryeministri Nikolla Grevski në intervistën ekskluzive për televizionin Sitel ka theksuar se ka pasur plane që të shkoj në burg edhe pse vendimi nuk ishte i ligjshëm, por nuk e ka bërë të njejtën sepse ka marrë informacione se në burg do ta likuidonin, transmeton Zhurnal.
Ai tha se nuk ka qenë nën mbikqyrje policore 24 orë, por policia e ka ndjekur përmes lajmërimeve. Kur e kanë lëshuar në shtëpi, pjestarët e MPB-së kanë ikur.
“Kam pranuar edhe të shkoj në burg, por kam pasur informata se do më likuidonin dhe për atë ndërrova mendje”, thotë Gruevski.
Ai mes tjerash ka theksuar se një ditë do të kthehet në Maqedoni, dhe se për momentin ndodhet në Hungari përkohësisht nga përndjekja politike e pushtetit aktual në Maqedoni.