Arif Ziberi, këngëtari i grupit Elita 5 i ftuar sot në emisionin “Programi 200”, tregoi edhe historinë e themelimit të grupit dhe rrugën e tyre 30-vjeçare në muzikë. Ai tregon se si kanë filluar punën e tyre krejt rastësisht, vetëm se u pëlqente muzika dhe arritën deri aty sa të bëheshin grupi më i famshëm në mbarë shqiptarinë.
Me thënë të drejtën kurrë nuk e kishim menduar të bëheshim kaq të famshëm, e kemi filluar si krejt si hobi. Ne kemi qenë të gjithë një gjeneratë, kemi studjuar bashkë në një gjimnaz. E kemi filluar si një dëshirë të madhe për muzikën. Por ja mbas disa viteve u kompletuam dhe na u bë profesion. E morëm punën shumë me seriozitet dhe jetëhjatësinë në muzikë ta cakton publiku- tha Arif Ziberi.
