Kryetari i partisë Aleanca për Shqiptarët (ASH), Ziadin Sela, dje iu është drejtuar banorëve të Gostivarit, duke kërkuar që të votohet “për” në referendum që të bëhen shtëpitë dhe ardhmëria më e sigurt, njofton Portalb.mk.
Ai ka bërë thirrje që të dilet në mënyrë masive në referendum dhe ta përkrahin atë.
“Të dalim më 30 shtator në mënyrë masive dhe t’i mobilizojmë të tjerët. Kështu ua kthejmë falënderimin NATO-s e cila ka qenë me ne, kur çështja shqiptare në këto hapësira ka qenë e kërcënuar. Të votojmë “për” që t’i bëjmë shtëpitë dhe ardhmërinë tonë më të sigurt”, tha Sela.
