Një autobus me targa të Shkupit, i cili qarkullonte drej Ohrit, është djegur sot në mëngjes në rrugën magjistrale Gostivar – Kërçovë, ndërsa asnjë nga udhëtarët nuk janë lënduar.
Siç kumtoi MPB, incidenti ka ndodhur sot në mëngjes rreth orës 9:20 në rrugën magjistrale Gostivar-Kërçovë, kur autobusi me të cilin drejtonte K.M. (51) nga Shkupi, është djegur në pjesën e motorist, me ç’rast është ndalur dhe nga ai kanë dalë të gjithë udhëtarët.
“Zjarri u lokalizua nga Brigada për mbrojtje kundër zjarrit, nuk ka të lënduar”, theksojnë nga MPB.
Është kryer ekspertizë në vendin e ngjarjes dhe po punohet në ndriçimin e plotë të rastit.
