Aleanca për shqiptarët e humb resorin e shëndetësisë dhe në vend se ministër të ri, partia e Ziadin Selës do të duhet të negociojë për resor të ri në “Ilidenska”. Këto janë informacionet e fundit deri tek të cilat ka ardhur ekskluzivisht MEDIAL.mk, nga funksionar i lartë i LSDM-së.
Tani për tani nuk ka detaje se çfarë e ka shkaktuar këtë kthesë në negociatat mes partnerëve qeveritar, pasi pa u bërë 24 orë nga informacioni se kryeministri Zoran Zaev pret propozim zyrtar nga Sela për resorin shëndetësi, “brifingu i fundit është se ASH e humb këtë resor dhe se do të shkohet në rikonstruim të qeverisë”.
