Në Maqedoni ka 450.500 qytetarë të varfër

Në Maqedoni 21,8 për qind apo 450.000 qytetarë janë të varfër, tregojnë të dhënat nga Enti Shtetëror i Statistikës për vitin 2016. Nga numri i përgjithshëm i të varfërve, nëntë për qind janë të punësuar, ndërsa 7,1 për qind janë pensionistë. Sipas të dhënave të publikuara, rritja e shkallës së varfërisë në krahasim me vitin e kaluar ka për 0,3 për qind, kur të varfër kanë qenë 21,5 për qind e popullatës ose 445,200 mijë qytetarë, ndërsa zvogëlim në krahasim me vitin 2014 kur 22,1 për qind apo 457.200 qytetarë kanë qenë varfër. Koeficienti “Gini”, i cili është masë për mosbarazinë në shpërndarjen e të ardhurave arrin 33,6 për qind. Analizuar përmes llojeve të amvisërive, shkallë më të madhe të varfërisë prej 50,6 për qind ka tek amvisëritë me tre ose më shumë fëmijë të kujdesur, ndërsa më të ulët në familjet e vetme me një anëtar të rritur të moshës mbi 65 vjeçare. Shkalla e varfërisë së amvisërive të përbëra nga dy të rritur me dy fëmijë të kujdesur në vitin 2016 është 21,2 për qind. Në vitin 2016 shkalla e varfërisë tek burrat ka qenë 22,2 për qind, ndërsa tek gratë 21,5 për qind. Nga të dhënat statistikore mund të shihet edhe se shkalla e varfërisë para transfertave sociale arrin 41,6 për qind, para transfertave sociale me pensione të përfshira 25,7 për qind dhe për transfertat sociale 21,8 për qind. Bazë e llogarive të varfërisë janë të ardhurat, ndërsa pragu i varfërisë është definuar në 60 për qind nga të ardhurat ekuilavente mediale.