Tre automjete udhëtuese janë përfshirë në një aksident trafiku në rrugën magistrale Resnjë–Ohër, pranë vendit të quajtur Ribnik, afër fshatit Krushje. Në aksident është lënduar rëndë një grua 68-vjeçare nga Manastiri.
Sipas informacioneve të MPB-së, aksidenti është raportuar dje në orën 15:40 në DPB Resnjë. Në të kanë marrë pjesë tri automjete me targa manastirase – një “Reno”, i drejtuar nga A.S. 69-vjeçar, me bashkëudhëtaren L.S. (68), një “BMW”, i drejtuar nga V.M. 51-vjeçar, me bashkëudhëtarin P.A. (55), si dhe një “Passat”, i drejtuar nga B.M. 57-vjeçar. Të gjithë janë nga Manastiri.
“Në aksident me lëndime të rënda trupore, të konstatuara nga një mjek i Spitalit Klinik të Manastirit, është lënduar bashkëudhëtarja L.S.”, informojnë nga MPB.
Vëzhgimin në vendin e aksidentit e ka kryer ekipi i vëzhgimit i SPB Manastir.
