Jeton Lleshi godet Komunën e Strugës: “Mickoskin e Presidenten i pritën krahëhapur, qytetarët në Qafë Thanë i lanë vetëm”
Jeton Lleshi ka reaguar ashpër ndaj Komunës së Strugës, duke kritikuar mungesën e përfaqësuesve komunalë gjatë pritjeve të gjata në Qafë Thanë.
Ai shkruan se për Mickoskin dhe Presidenten u organizuan pritje “me krahëhapur”, ndërsa qytetarët që pritën me dhjetëra minuta në kufi nuk panë asnjë përfaqësues të Komunës së Strugës.
Lleshi paralajmëron se vitin e ardhshëm çështjen do ta ngrejë edhe më fuqishëm, madje “bashkë me Brukselin”, ndërsa i kërkon komunës të përgatisë informacion të qartë për turistët: ku janë parkingjet, plazhet, çfarë ndodh me kanalizimet, mbeturinat dhe furnizimin me energji.
“Strugën e duam të pastër, funksionale dhe të sistemuar”, shkruan Lleshi.
Mesazhi është i drejtpërdrejtë: pritjet protokollare nuk e bëjnë Strugën evropiane – shërbimet për qytetarët po.
