Nga Agjencia për Menaxhimin e Pronës së Sekuestruar informojnë se objekt i shitjes janë gjithsej 990 automjete të dëmtuara (automjete pasagjerësh dhe transporti, motoçikleta, traktorë, rimorkio), të cilat kanë statusin e materialit të mbeturinave.
– Janë vlerësuar 990 automjete të cilave u është dhënë statusi i materialit të mbeturinave. Sasia e saktë në kilogramë e automjeteve për hekur të vjetër do të përcaktohet në ditën e peshimit dhe do të dokumentohet me fletëpeshime, pas së cilës do të bëhet faturimi me sasitë e sakta.
Për të gjitha automjetet së bashku, çmimi fillestar për shitjen në ankandin elektronik publik është 13 (trembëdhjetë) denarë për një kilogram hekur të vjetër pa TVSH, theksuan nga Agjencia.
Ankandi publik do të zhvillohet më datën 21.08.2026, duke filluar në orën 10:00 dhe do të zgjasë një orë e gjysmë, pra deri në orën 11:30.
