Gjykata Speciale ka caktuar 16 shtatorin si datë për shqiptimin e aktgjykimit në rastin ndaj Hashim Thaçit, Kadri Veselit, Rexhep Selimit dhe Jakup Krasniqit. Vendimi pritet të shënojë përfundimin e një prej proceseve gjyqësore më të rëndësishme të zhvilluara nga Gjykata Speciale në Hagë, pas një gjykimi që zgjati disa vite dhe u përcoll me interes të madh nga opinioni publik në Kosovë dhe më gjerë.













