Sot pritet mot me alternim vranësirash dhe periudha me reshje të herëpashershme shiu, më të theksuara në pjesën juglindore të vendit. Në zonat malore reshjet do të jenë në formë dëbore. Era do të fryjë mesatare, herë pas here e përforcuar, nga drejtimi veriperëndimor. Temperaturat minimale do të lëvizin ndërmjet 4 dhe 9 gradë Celsius, ndërsa maksimalet do të variojnë nga 8 deri në 13 gradë.
Në Shkup do të mbajë mot i ngjashëm, me vranësira të ndryshueshme dhe reshje shiu, sidomos gjatë orëve të paradites dhe në mbrëmje. Era do të jetë e lehtë nga veriperëndimi. Temperatura minimale do të zbresë në 7 gradë, ndërsa maksimalja do të arrijë deri në 12 gradë Celsius.
