Azizi: Ali Ahmeti nuk ka guxim të flasë në tryezën e burrave, kërkon takime private me Mickoskin
Kryetari i BDI-së Ali Ahmeti, dje pas takimit të liderëve, tha se do të kërkojë takim kokë më kokë me kryeministrin Hristijan Mickoski, për të diskutuar tema të cilat ai nuk ka mundur t’i shpalosë në takimin e liderëve.
Adnan Azizi nga VLEN në një postim në Facebook këtë kërkesë të Ahmetit e ka quajtur vardisje për pushtet në kurriz të interesave të qytetarëve. Azizi gjithashtu thotë se Ahmeti nuk ka mundur të shprehet në tryezën e burrave dhe kërkon takime private.
“Patriot në fushatë, vardisës nga natyra…
Nga keksat e “buza me tamël”, te takimet tet-a-tet. Kështu kur nuk ke guxim të flasësh në tryezë të burrave, por kërkon takime “private”, si gjithmonë, për t’iu vardisur pushtetit në kurriz të interesave të shqiptarëve”, ka shkruar Azizi.
