Kasami: Urojmë që Ilir Demiri ta bashkojë ASH-në, Aleanca e ka vendin në VLEN
Kryetari i Tetovës dhe bashkëudhëheqësi i VLEN-it, Bilall Kasami, gjatë intervistës në Alsat tha se Aleanca për Shqiptarët dhe aktivistët e vërtetë të saj e kanë vendin në VLEN. I pyetur nëse Ilir Demiri, i cili doli si deputet i pavarur me mision për ta bashkuar Aleancën, mund të ketë sukses në atë mision, Kasami uroi që kjo të ndodh.
“Urojmë që të ndodh ashtu, do i ndihmojmë që të ndodh ashtu dhe ne vlerësojmë se Aleanca e ka vendin në Qeveri, brenda koalicionit VLEN”, deklaroi Kasami.
Ai tha se aktivistët e vërtetë të Aleancës dhe funksionarët e kësaj partie e kanë vendin e rezervuar në VLEN si pjesë e Qeverisë.
“Ne vlerësojmë se aktivistët e Aleancës dhe funksionarët e saj e kanë vendin e rezervuar në VLEN”, tha Kasami.
