Nesër protestohet për Dr. Muhamed Asanin
Njoftim për marshim paqësor në shenjë proteste ndaj padrejtësive gjyqësore
Të nderuar përfaqësues të mediave,
Ju njoftojmë se komuniteti i qytetarëve të Strugës, së bashku me kolegë, mjekë dhe mbështetës të drejtësisë, do të organizojnë një marshim paqësor protestues lidhur me padrejtësitë e përsëritura në proceset gjyqësore, përfshirë edhe rastin e fundit të Dr. Muhamed Asanit.
Qëllimi i këtij marshimi është ngritja e zërit kundër praktikave të padrejta, mungesës së paanshmërisë dhe trajtimit jo të drejtë të profesionistëve të shëndetësisë dhe qytetarëve në përgjithësi në Gjykatën Themelore të Strugës.
Marshimi do të zhvillohet të marten 02.12.25, në ora 12:00, duke nisur nga hyrja e Spitalit të Strugës dhe duke vazhduar drejt qendrës së qytetit.
Ju ftojmë ta pasqyroni këtë ngjarje me korrektësi dhe profesionalizëm, në funksion të transparencës dhe interesit publik.
