Pjesa e autostradës Kërçovë–Ohër pranë fshatit Trebenishtë, e cila nuk ishte pjesë e segmentit që tashmë e kemi lëshuar në përdorim, do të vihet në funksion deri në Vitin e Ri, deklaroi sonte në emisionin “Samo Intervju” në televizionin Kanal 5 ministri i Transportit dhe Lidhjeve në Qeverinë e Republikës së Maqedonisë, Aleksandar Nikoloski, shkruan Strufa Ekspres.
Ai theksoi se po lidhen të gjitha fshatrat dhe se asnjë nuk do të mbetet i palidhur. Po ndërtohet edhe një mbikalim pranë fshatit Podmoll, ndërsa tek “Shën Erazmo” tashmë ka një mbikalim të përfunduar dhe se nuk do të mbetet asnjë vend i palidhur.
Shpresoj që deri në pranverë të mund të lëshohet edhe një segment i ri i autostradës dhe që deri në verë të jenë gati edhe tunelët. Nëse moti është si këtë sezonë, autostrada mund të lëshohet edhe në gjysmën e parë të vitit 2027, sepse është e pamundur të punohet në kushte të tilla atmosferike. Punimet zhvillohen në një zonë malore, e dini se më 1 tetor ra borë, dhe vazhdon të bjerë ose shi ose borë pa ndërprerje, theksoi Nikoloski.
Sa i përket vonesës dhe përgjegjësisë për ndërtimin e autostradës Kërçovë–Ohër, ministri Nikoloski tha se nuk do të komentojë për këtë çështje derisa të përfundojë ndërtimi i autostradës, kur do të dalë me një raport të detajuar për atë që është bërë, dhe nëse ka hapësirë dhe interes nga institucionet përgjegjëse, sigurisht duhet të ketë edhe përgjegjësi.
Në seancën e sotme të Kuvendit për pyetjet parlamentare, kryeministri i Republikës së Maqedonisë, Hristijan Mickoski, theksoi se pret që të jemi drejt përfundimit të autostradës Kërçovë–Ohër, në fazën finale ose më së voni deri në tremujorin e parë të vitit 2027.
Kemi një problem të vogël me projektimin e skarpateve që duhet të stabilizojnë tokën që të mos rrëshqasë, për të mos pasur incidente, jemi në kontakt me zëvendëskryeministrin dhe jemi shumë të rreptë me kompaninë që po bën lojëra me durimin tonë dhe mendoj se duhet të ndalojnë së bëri shaka dhe ta përfundojnë atë që duhej të ishte gati në shkurt, pastaj u shty në tetor dhe tani përsëri kërkohet afat deri në shkurt. Po punojmë intensivisht në realizimin e korridoreve 8 dhe 10d,pres përparim të madh, përfundim të projekteve kapitale në segmente të tjera dhe fillimin e projekteve të reja, deklaroi Mickoski.
(Struga Ekspres)
