Më 15 nëntor 2025, në orën 03:45, në fshatin Podgorc të Strugës, punonjës policie nga Njësia e Sigurisë së Trafikut Rrugor- Strugë arrestuan një 39-vjeçar nga fshati Orovnik, komuna e Debarcës, raporton Struga Ekspres.
Gjatë kontrollit të trafikut rrugor, policët ndaluan një automjet “Volkswagen Polo” me targa të Ohrit, të cilin e drejtonte i dyshuari ku konstatuan se ai ishte nën ndikimin e alkoolit dhr iu matën 1.71 promilë alkool në gjak.
Ai u përjashtua nga trafiku dhe pas dokumentimit të plotë të rastit, ndaj tij do të ngritet kallëzim penal sipas nenit 297-a të Kodit Penal për “drejtim të pakujdesshëm të automjetit motorik”.
(Struga Ekspres)
