Orhan Ibrahimi: Ta dënojmë në këto zgjedhje Ali Ahmetin dhe dy “patericat” e tij
Orhan Ibrahimi nga Lëvizja “Arbëria” e cila në këto zgjedhje lokale garon së bashku me koalicionin VLEN, kërkoi nga banorët e Likovës që ditën e 19 tetorit të dilet dhe votohet kundër BDI-së dhe Ali Ahmetit.
“Të dalim së bashku t’i dënojmë Ali Ahmetin dhe dy ‘patericat’ që po e ndihmojnë, që të mjegullohet vetëdija, sepse ata po i thonë të riut shqiptar që të vjedhin, të mashtrojnë, të gënjejnë, sepse shqiptarët harrojnë. Por, shqiptarët nuk harrojnë, shqiptarët kanë besë dhe besojnë në moral kombëtar dhe fetar dhe ashtu do të votojnë në ditën kritike kundër tyre”, ka thënë Ibraimi në tubimin e sontëm në Likovë, ku morën pjesë shumë mbështetës të VLEN.
