Vetëvrasje me armë zjarri në Radozhdë, humb jetën një 52-vjeçare
Një ngjarje tragjike ka ndodhur dje në fshatin Radozhdë të komunës së Strugës, ku një grua i ka dhënë fund jetës me armë zjarri.
Burime policore konfirmojnë për Struga Ekspres se viktima është një person i gjinisë femër me inicialet N.H.e lindur në vitin 1972.
Policia ka ndërhyrë menjëherë pas raportimit të rastit dhe ka nisur hetimet për të sqaruar rrethanat e ngjarjes. Deri në këtë fazë, nuk janë bërë të ditura detaje të tjera në lidhje me motivet e mundshme që çuan në këtë akt të rëndë.
Hetimet janë në vijim, ndërsa trupi i pajetë i viktimës është dërguar për autopsi.
(Struga Ekspres)
