FORUMI EKONOMIK MBARË SHQIPTAR PËRKRAH KANDIDATURËN E MENDI QYRËS
Forumi Ekonomik Mbarë Shqiptar (FEMSH) ka shprehur mbështetjen e plotë për Mendi Qyrën, kandidat i pavarur për Komunën e Strugës.
FEMSH e cilëson Qyrën si një figure të spikatur në biznes dhe jetën institucionale të shqipëtarëve në Maqedoninë e Veriut.
Si themelues dhe nënkryetar i FEMSH, investitor i njohur në projekte të rëndësishme në Shkup, Ohër dhe Strugë, drejtues i Odës Ekonomike të Maqedonisë Veri-Perëndimore, themelues i FC Struga, Mendi Qyra ka treguar aftësi lidershipi dhe vizion strategjik. Investimi i tij në Hotel “Ëmbla” në Strugë, tregojnë përkushtimin e tij ndaj zhvillimit të qytetit.
FEMSH vlerëson se kandidatura e Mendi Qyrës ofron mundësi reale për ndryshim, zhvillim dhe bashkim të energjive pozitive në Strugë. Forumi thekson se kandidatura e tij për Strugën perfaqëson vizionin e një drejtuesi modern,me integritet,strategji dhe përkushtim për zhvillim afatgjatë.
