*Një ngjarje makabre ka tronditur Prilepin gjatë natës. Një burrë, sipas informacioneve të para jozyrtare, ka kryer një akt të rëndë dhune duke vrarë nipin e tij dhe djalin e tij të mitur, vetëm 11 vjeç, përpara se të vetëvritej, përcjell INA.
Sipas burimeve, drama ka nisur që në orët e pasdites rreth orës 15:00, por situata u përshkallëzua në mënyrë tragjike gjatë natës. Rreth mesnatës, në vendngjarje mbërritën njësi speciale të policisë, të cilat tentuan të ndërhyjnë dhe të shpëtojnë pengjet. Autori i armatosur rëndë hapi zjarr ndaj forcave të rendit dhe kërcënoi me eksploziv.
Deri më tani, institucionet nuk kanë dhënë detaje zyrtare mbi motivet apo dinamikën e plotë të ngjarjes.
