Të nderuar bashkëfshatarë,
Pas shumë përpjekjesh dhe kërkesash të përsëritura nga Bashkësia Lokale e fshatit Tatesh i Epërm drejtuar Komunës së Strugës për rehabilitimin e rrugës Tatesh i Epërm – Dobovjan, fatkeqësisht kemi dështuar në çdo tentativë. Në fund, arritëm që kërkesën ta çojmë deri në Kuvendin e Republikës së Maqedonisë së Veriut, por edhe aty ajo u refuzua si amendament në buxhetin për vitin 2025.
📌 Kjo rrugë është jetike për qarkullimin, sigurinë dhe zhvillimin e përditshëm të dhjetëra familjeve që jetojnë në këtë zonë, dhe refuzimi i saj është një injorim i qartë ndaj nevojave tona bazike.
🛑 Nëse nuk merret parasysh dhe nuk gjendet një zgjidhje konkrete për realizimin e kësaj rruge, paralajmërojmë se:
👉 Do të bojkotojmë çdo formë zgjedhjesh, përfshirë edhe ato lokale që do të mbahen në tetor të këtij viti!
⛔ Ne nuk do të pranojmë më që të përfaqësohemi nga askush që nuk mbron interesat tona minimale.
🗣 Kërkojmë reagim dhe zgjidhje urgjente nga autoritetet përkatëse!
