*Një motorist njëzetvjeçar nga rajoni i Kumanovës ka humbur jetën pasi është përplasur me një shtyllë betoni në afërsi të fshatit Orashac drejt rrugës Kumanovë–Sveti Nikollë, njoftoi sot policia.
– Dje rreth orës 21:00 në SPB Kumanovë është raportuar se në një rrugë lokale nga fshati Orashac, rajoni i Kumanovës, drejt rrugës rajonale Kumanovë–Sveti Nikollë, M.P. (20) nga fshati Dobroshan, rajoni i Kumanovës, duke drejtuar një motor BMW pa targa regjistrimi, ka humbur kontrollin dhe është përplasur në një shtyllë betoni. Nga plagët e marra, motoristi ka ndërruar jetë në vendin e ngjarjes, dhe vdekjen e ka konstatuar një mjek nga Ndihma e Shpejtë, informoi policia.
Hetimin e ka kryer një ekip nga SPB Kumanovë, dhe me urdhër të prokurorit publik, trupi i të ndjerit është dërguar për autopsi.
