Me kënaqësi ju njoftojmë se kemi arritur marrëveshje me mbrojtësin Maudo Jarjué, i cili pas vetes ka mjaft eksperiencë në futbollin europian dhe atë botëror, duke luajtur ndeshje edhe me ekipin e tij kombëtar, Gambian.
Jarjué i së fundmi ishte pjesë e skuadrës norvegjeze të Sandefjord, ndërsa vlen të theksohet se i njëjti ka luajtur në kampionate shumë të fuqishme, si ai në Portugali me Gil Vicente, në Suedi me Elfsborg, në Austri me Austria Viena dhe në Sllovaki me Sllovan Bratisllava.
Me këtë skuadër (Sllovan Bratisllava), që e kishim kundërshtarë këtë vit në raundin e parë të Ligës së Kampionëve, Maudo Jarjué, në sezonin 2022/23 ishte shpallur kampion.
Ndryshe gjatë karrierës së tij, i njëjti kishte luajtur edhe me FK Sabail në elitën e futbollit në Azerbejxhan, aty ku numëron plotë 44 ndeshje.
27-vjeçari në prani të Drejtorit Sportiv, Besart Isaku me ekipin e Struga Trim Lum firmosi kontratë dy vjeçare.
Për kohën që do kalojë me skuadrën tonë, Maudo Jarjué, ka zgjedhur të veshë fanellën me numër 99.
