Policia e Ohrit njofton se një grua nga fshati Sredoreçe e Epërme të komunês së Debërcës është zhdukur që nga mbrëmë në ora 20:40, pas së cilës është organizuar kërkimi për të, shkruan Struga Ekspres.
Pas një kërkimi gjatë gjithë natës me ekipe, në orët e para të mëngjesit, personi i zhdukur është gjetur në gjendje të mirë shëndetësore. Bashkëshorti, i cili raportoi zhdukjen, informoi se ata ishin bashkë për të mbledhur kërpudha në vende të ndryshme nëpër pyll. Kur është dashur të takohen në vendin e rënë dakord, në makinën e tyre, personi nuk është paraqitur,përcjell Struga Ekspres.
Në kërkim të personit të zhdukur janë përfshirë edhe njësia e shpëtimit malor me një qen të trajnuar, një ekip policor nga SPB e Ohrit, si dhe banorë të fshatit dhe familjarë të personit të zhdukur. Kërkimet për disa prej kërkuesve kanë zgjatur deri në orën një të mëngjesit, disa nga banorët e zonës dhe të afërm kanë mbetur në terren.
Herët në mëngjes, rreth orës 05:00, të gjitha ekipet kanë dalë në terren, pas së cilës e humbura është gjetur në një kohë të shkurtër.
(Struga Ekspres)
