Dje më datë 11.03.2023, në ora 15:15, në rrugën kryesore Ohër-Kërçovë në afërsi të fshatit Gorenc, automjeti i tipit “Honda” me targa të Ohrit, i drejtuar nga 69-vjeçari B.S. nga Ohri ka dalë nga rruga, shkruan Struga Ekspres.
Pas aksidentit shoferi B.S. dhe bashkëudhëtarja e tij, 72-vjeçarja M.S. nga Ohri janë transferuar në spitalin “Shën Erazmo” ku mjeku ka konstatuar lëndime të rënda fizike, por gjatë transportit të pasagjeres M.S. në Spitalin “Nënë Tereza”, ajo ka ndërruar jetë pas plagëve të marra ku u konstatua vdekja nga mjeku i urgjencës. Me urdhër të Prokurorit Publik të ndjerës do ti bëhet autopsia. Një ekip i MPB-së Ohër ka kryer këqyrje të vendit të ngjarjes, njofton MPB.(Struga Ekspres)
