Qendra Klinike “Nënë Tereza” në Shkup do të ketë gjashtë drejtorë të rinj. Këtë sot e paralajmëroi ministri i sapozgjedhur i Shëndetësisë, Fatmir Mexhiti.
Sipas tij, drejtorët e rinj do të jenë në Klinikën e Neurologjisë, Endokrinologjisë, Onkologjisë, Dermatologjisë, Gjinekologjisë, Oftamologjisë.
Ndryshimi i drejtorëve është pjesë e marrëveshjes së qeverisë me Aleancën për Shqiptarët për t’iu bashkuar koalicionit qeveritar, përcjell INA.
Ministri Mexhiti tha se gjëja e parë që do të bëjë është të gjejë zgjidhje për kaosin e trafikut në Qendrën Klinike “Nënë Tereza”. Prioriteti i dytë do të jetë përditësimi i listës pozitive të barnave dhe e treta – gjetja e një zgjidhjeje të përbashkët për rritjen e pagave të punonjësve shëndetësorë.
Agjencia e lajmeve INA ditë më parë publikoi emrat e përzgjedhur për drejtor nga radhët e ASH-së.
Drejtor i Klinikës së Neurologjisë Shkup – Visar Miftari
Drejtor i Klinikës së Onkologjis në Shkup – Halid Matoshi
Drejtor i Klinikës së Dermatologjisë – Genc Selmani
Drejtor i Klinikës Kozle – Tair Tahiri
Drejtor i Klinikës së Gjinekologjisë – Jeton Shaqiri
Drejtor i Klinikës së Oftamologjisë – Bekim Tateshi
Shtëpia e Shëndetit Shkup – Vullnet Selim
