Maqedonia e Veriut ende nuk ka marrë vendim të ri për dërgimin e ndihmave ushtarake për Ukrainën, ndonëse paradokohe në kuadër të Takimit ministror të ministrave të Mbrojtjes që u mbajt javën e kaluar në Bruksel vendeve u është dorëzuar një listë e pajisjeve të nevojshme.
Ministrja e Mbrojtjes Sllavjanka Petrovska thotë se në konsultim Armatën, nëse ka mundësi që t’u dilet në vigjilje një pjesemtë nevojave ajo do të bëhet dhe opinioni do të informohet.
“Javën e kaluar në Bruksel u mbajt një takim ministror i ministrave të Mbrojtjes. Ndër të tjerat kishte edhe seancë kushtuar Ukrainës, si qendër e ngjarjeve në këtë periudhë të gjatë kohore. U shpërnda një listë më e madhe e pajisjeve të nevojshme, e cila është e domosdoshme, ndërsa e cila për shkak të ndjeshmërisë është klasifikuar. Në konsultim me SHM e ARM-së, nëse ka hapësirë dhe mundësi për t’iu përgjigjur pozitivisht disa prej atyre pretendimeve, një vendim i tillë absolutisht do t’i propozohet sërish Qeverisë dhe për këtë do të informohen mediat dhe opinioni. Tani për tani po shikojmë listën e kërkesave të tyre”, tha ministrja në përgjigje të pyetjes së gazetarëve.
Lidhur me atë nëse Maqedonia e Veriut mund të marrë pajisje ushtarake nga anëtarët e Aleancës si një lloj kompensimi për pajisjet që i dha Ukrainës, siç është rasti me disa vende të tjera, Petrovska thotë se nuk kanë marrë një ndihmë të tillë të drejtpërdrejtë, por se është e madhe mbështetja financiare që e merr vendi.
