Gjatë ditës së sotme isha i nderuar me ftesën e Institutit të trashëgimisë Shpirtërore dhe Kulturore të shqiptarëve në RMV me rastin e manifestimit tradicional të lindjes së Gonxhe Bojaxhiu – Nënë Tereza. Një falënderim i veçantë për zv.drejtor i Agjencisë për Emigracion z. Izmit Nura dhe drejtorin Skender Hasani për ftesën, Zoti i dhëntë suksese edhe më të mëdha në udhëheqjen e këtij institucioni. Gjithashtu, gjatë ditës së sotme pata nderin që në zyrat e myftinisë të mirëpres, përfaqësuesin e Ipeshkivisë së Kosovës, z. Dom Lush Gjergjin, ministrin e arsimit Jeton Shaqirin, drejtorin e ITSHKSH, Skender Hasanin si dhe kryetaren e Këshillit komunal të Strugës, zonjën Arbresha Vllashi.
