Deputeti i VMRO-DPMNE-së, Antonio Milloshoski gjatë fjalimit të tij është penguar nga deputetët e shumicës të cilët, tërë kohën bërtitnin “pasaportën, pasaportën”.
Deputetët e shumicës parlamentare pretendojnë se deputeti Antonio Milloshoski përpos pasaportës të Maqedonisë së Veriut, posedon edhe pasaportën bullgare, ndërsa një gjë të tillë e kishte zbuluar kohë më parë, kryetari i partisë OBRM-Bullgare, Krasimir Karakaçanov.
Deputetja e LSDM-së, Jaklina Lazarevska tha se disa deputetët të opozitës kanë disa pasaporta në xhep.
“Kush jeni ju që na quani tradhtarë, ju që keni disa pasaporta në xhep, e unë kam vetëm një – maqedonase, po luftoj për pasaportën time maqedonase, për gjuhën time maqedonase, për identitetin tim maqedonas”, tha deputetja e LSDM-së Jaklina Lazarevska duke i reaguar deputetit nga OBRM-PDUKM, Antonio Milloshoski.
Në Kuvendin e Maqedonisë së Veriut për të dytën ditë me radhë po zhvillohet debati për propozimin francez, e cila i hap rrugën eurointegruese vendit
