Ish-deputeti Klevis Balliu, ka reaguar në lidhje me festivalin e njohur “Sunny Hill”, i cili këtë vit nuk do të zhvillohet në Kosovë por në Tiranë.
Në një intervistë për RTV Ora me gazetaren Beti Njuma, Balliu tha se është absurde të kërkosh nga Edi Rama të ndihmojë Kosovën.
Më tej ai u shpreh se Shqipëria në vend që të çojë në Kosovë artistë të njohur që t’i japë jehonë çështjes së njohjes së pavarësisë së saj, ia rrëmben këtë gjë.
Klevis Balliu: Të kërkosh sot nga Edi Rama që të ndihmojë Kosoën është absurd. Rama është kundër interesave të shtetit shqiptar. Këto festival me qëllim në vetvete kanë të marrësh vëmendjen ndërkombëtare, një mbështetje ndërkombëtare. Shqipëria në vend që të çojë artistë të njohur në mënyrë që t’I japë jehonë çështjes së Kosovës, këta e rrëmbëjnë dhe atë.
Më tej ai shtoi se ne duhet ta mbrojmë Shqipërinë nga agjenti i Beogradit që quhet Edi Rama.
Klevis Balliu: Tani është çështje e jona, duhet të mbrojmë shtetin tonë nga agjenti I Beogradit që quhet Edi Rama.
