Kryetari i Lëvizjes Besa dhe i Komunës së Tetovës i ftuar në emisionin Click Plus, duke folur për ngërçin politik në vend tha se do të ishte mirë që vendi të shkonte në zgjedhje të parakohshme në vjeshtë të këtij viti, për të mos humbur më kohë me deklarata boshe për hapjen e negociatave.
“Ne vlerësojmë se në afat rekord, që në vjeshtë të këtij viti, do të ishte periudha më adekuate që mos humbim më shumë kohë, që të kemi një qeveri e cila do të merrte përgjgësitë e saja për zgjidhjen e problemeve me shtet fqinje. Mos flasim për shpresa dhe deklarata boshe për hapjen e negociatave dhe të kemi një përballje dhe një zgjidhje për krizën ekonomike”- tha Kasami.
