Një aksident vërtetë i frikshëm ka ndodhur këtë mëngjes në afërsi të fshatit Lin në Pogradec, ku 4 persona kanë mbetur i plagosur. Mjeti tip ‘Mercedes Benz’ ka goditur në pjesën e pasme makinën tip ‘Golf 4’.
Dyshohet se shkak i aksidentit është shpejtësia e lartë dhe lagështira në rrugë. Siç duket edhe nga pamjet, përplasja ka qenë mjaft e fortë, duke shkatërruar pjesën e pasme të ‘Golf-it’ ndërsa dhe ‘Benz-i’ ka pësuar dëmtime të mëdha. Katër të lënduarit janë duke marrë kujdes shëndetësor në Spitalin e Pogradecit. Grupi hetimor po punon për zbardhjen e shkaqeve të aksidentit.
Njoftimi i policisë Pogradec:
Më datë 29.05.2022, rreth orës 10:00, në afërsi të fshatit Lin, Pogradec, janë përfshirë në një aksident rrugor mjeti tip “Benz”, me drejtues shtetasin I. B. dhe mjeti tip “Volkswagen Golf”, me drejtues shtetasin N. B. Për pasojë janë dëmtuar 4 shtetas, dy drejtuesit e mjeteve dhe dy pasagjeret e mjetit tip “Volkswagen Golf”, shtetaset L. D dhe K. L, të cilët u dërguan për ndihmë mjekësore në Spitalin e Pogradecit. Grupi hetimor po punon për zbardhjen e shkaqeve të aksidentit.
