LSDM i ka bërë me dije opozitës, gegjësisht VMRO-DPMNE-së se zgjedhje të reja do të ketë në vitin 2024 dhe kjo është çështje e mbyllur.
“Ekspertiza e VMRO-DPMNE-së është krim dhe korrupsion”, thuhet në reagimin e LSDM-së ndaj deklaratës së Aleksandër Nikollovskit nga VMRO-DPMNE.
“Këtë e vërtetojnë aktvendimet e shumta të gjykatave si rastet “Titanik”,”Tanku”,”Kalaja – Target”,”Truallet në Vodno”, ku janë shqiptuar dënime të plotfuqishme me burg për një numër zyrtarësh të VMRO-DPMNE-së. Aty, para gjykatave, kryesia e VMRO-DPMNE-së duhet të japë ekspertizën e saj. VMRO-DPMNE vazhdon me sjelljen e saj destruktive, Mickoski tregon pafuqinë dhe mungesën e idesë. Do të ketë zgjedhje në 2024 dhe kjo është një çështje e mbyllur”, është përgjigjur LSDM.(INA)
