Lëvizja Besa në një reagim ka akuzuar BDI-në se ka gënjyer për arritjen e marrëveshjes dhe rifillimin e mësimit, shkruan Alsat.
“BDI-ja me metodat e saja të ulëta po gënjen çdo ditë e më shumë qytetarët. BDI gënjeu përsëri se “gjoja” kanë arritur marrëveshje që mësimi të fillojë të hënën. Me këto veprime, BDI mundohet t’ju bëj presion të punësuarve në arsim”, theksojnë nga kjo parti. Lëvizja Besa e cilësoi si të duhur vendimin e SASHK-ut për vazhdimin e grevës.
