Kryetari i BDI-së, Ali Ahmeti në emisionin n’Demos ka folur me refleksione që nga fillimi i veprimtarisë 40 vite më parë gjerë më sot.
“Me 1 korrik të vitit 1984 u arratisa për në perëndim por me një zotim dhe një betim që një ditë të kthehem përsëri”, ka thënë në rrëfimin e tij kreu i BDI-së Ahmeti.
Duke folur më tej për këtë 42 vjeçar, Ahmeti ka thënë se në demostratat e vitit 1981 janë rrahur nga policia në Prishtinë.
“E mbaj mend nga gjithë ky 42 vjeçar, 11 marsin kur kemi fillu demostratat në vitin 1981. Mbaj mend 26 marsin, 1 prillin, 2 prillin ku na ka rrahur dhe shkatërruar policia në Prishtinë. Jam arrestuar në Kërçovë në vitin 1981”, thekson Ahmeti.
