Ka ndërruar jetë, Enver Maliqi, nënkryetari i Shkupit. Kështu ka bërë të ditur, zv./kryeministri dhe zyrtari i lartë i BDI-së, Artan Grubi.
“Lajm i trishtë që në mëngjes, Enver Maliqi, nënkryetar i Shkupit, bamirës, shok i të gjithëve, paska ndërruar jetë. Ngushëllimet më të sinqerta për familjen dhe për miqtë e tij të shumtë.
Do të mbahet mend emri dhe vepra e tij, e mungesa e tij do të ndihet shumë nga të gjithë ne. Pusho i qetë Xhaxh”, ka shkruar Grubi.
