Mjeku nga Tetova, Vladimir Evtimoski sot humbi betejën me koronavirusin. Ai ishte mes katër viktimave në Tetovë dhe 14 viktimave në të gjithë vendin që humbën jetën nga Covid-19, shkruan TS
“Kolegu im i dashur Dr. Vladimir Evtimovski sot ia dorëzoi shpirtin Zotit të Plotfuqishëm, duke u shërbyer pacientëve të tij edhe në momentet më të vështira! Pusho në paqe mik i dashur! Gjithmonë do të na mungosh!”, shkruan në facebook kolegu i tij Argjend Imeri.
Sot Ministria e Shëndetësisë njoftoi se në 24 orët e fundit janë kryer 3 404 teste dhe prej tyre 1 285 kanë rezultaur pozitivë me koronavirus, ose 38 per qind e testeve të kryera, 14 pacientë kanë ndërruar jetë , ndërsa janë shëruar 176 persona./TS
