Kryeministri i vendit Zoran Zaev bashkë me Ministren e Arsimit Milla Carovska prezantuan platformën nacionale për mësim online, njofton Shenja Kryeministri Zaev deklaroi se platforma nacionale paraqet bazë të mirë për arsim cilësore. Ai më tej shtoi se platforma do të jetë në 5 gjuhë.
“Pandemia na tregoi se si shtet duhet shume të mësojmë, përfshi edhe procesin arsimor. Pandemia në e imponoi atë se pse na duhet sistem arsimor që është në kondicion të mirë. Jemi krenar që krijuam platformë nacionale për mësim online. Kjo na inkurajon dhe na jep shtytje që të punojmë edhe më tutje. Kjo platformë është shumë e thjeshtë për përdorim, shpresojmë se do ta duan edhe nxënësit edhe mësimdhënësit. Kjo platformë do të jetë në 5 gjuhë. Kjo përvojë do të na tregoj se si në të ardhmen do t’i planifikojmë investimet në arsim”, tha Zoran Zaev, kryeministër duke shtuar se ai dhe Qeveria do të ofrojnë mbështetjen e pa-rezervë për implementimin e kësaj platforme.
