Pas arritjes së marrëveshjes për qeverinë e re si dhe pas zgjedhjes së kryetarit të kuvendit, votimi i qeverisë tani më është çështje ditësh. Kjo përbërje do të jetë në mes LSDM-BESA dhe BDI.
Siç mësohet, Forumi Rinor i Besës do të ketë përfaqësuesin e saj në qeveri. Nuk precizohet sakt se me çfare do të udhëheqin, por burime të sigurta tregojnë se atyre do t’ju takojnë drejtori. Për të diskutuar rreth kësaj, nesër në Shkup është thirrur mbledhja e Forumit Rinor për t’i diskutuar edhe detajet rreth përfaqësimit të tyre në ekzekutiv.
Kujtojmë që Lëvizja Besa ka pasur rininë më aktive, duke realizuar aktivitete të ndryshme dhe duke ngjallur një aktivizëm qytetar, duke ua tejkaluar gjithë subjekteve tjera në nivel të forumeve rinore.
