Kryetari i Komisionit Rregullator për Energjetikë, Marko Bislimovski në intervistën javore për Radion Evropa e Lirë ka deklaruar se qytetarët që marrin pagë minimale, faturat e rrymës dhe ngrohjes qendrore mund t’i paguajnë me këste. Se a do të ndryshojë çmimi i rrymës në periudhën e ardhshme, Bislimovski shton se është herët të thuhet.
“Në komunikim me kompanitë e sektorit energjetik EVN dhe BEG- Furnizimi, qytetarëve të rrezikuar do t’u mundësojnë që për muajt mars, prill dhe maj shpenzimet t’i kryejnë me këste ku nuk do të kalkulohet norma e interesit. Do të thotë, për tre muaj, qytetarët më të prekur do të kenë mundësi shpenzimet e tyre për rrymë dhe ngrohje qendrore t’i paguajnë më këste kurse norma e interesit nuk do të merret parasysh”, deklaroi Marko Bislimovski- kryetar i KRE-së.
