Koronavirusi/ Menduh Thaçi: Bukë dhe krip do kemi, gjërat tjera do të na mungojnë

Kryetari I Partisë Demokratike Shqiptare, Menduh Thaçi, në një paraqitje publike këtë të hënë, ka deklaruar se situata është e rëndë me virusin Covid 19. Ai është shprehur se tash e tutje jeta nuk do të jetë e njëjtë, ndërsa në këtë kohë nevojitet kujdes, seriozitet dhe solidaritet mes njerëzve. “Bukë, krip dhe ujë do të kemi, por sendet tjera do të na mungojnë. Duhet të përballojmë bashkërisht këtë situatë, më shumë solidaritet duhet të kemi mes veti, kujdes po, por frikë jo”, tha Thaçi. Ai ka kritikuar tërë sistemin shëndetësor në vend duke nënvizuar se nuk është e përgatitur për të përballuar këtë situatë. “Nëse shteti nuk është në gjendje të përballet me këtë situatë, atëherë ne si PDSH, kemi kuadro të cilët do të vemi në shërbim. Pas kësaj gjendje e kthejmë pushtetin tek ata që 18 vite nuk e menaxhuan si duhet”, deklaroi Thaçi.