Prej sot, inspektorët e tregut, sanitar dhe të punës do të jenë në terren. Ata do të fillojnë me kontrollet nëpër kafiteritë dhe hapësirat tjera, për të cilat qeveria solli vendim që të mbyllen pas orës 18:00.
Për mos-respektimin e masave qeveritare dhe për punën pas orës 18:00, do të ketë përgjegjësi penale, që do të thotë nuk përjashtohet dënimi me burg.
“Edhe dje kemi qenë në terren. Por kemi pasur vetëm vërejtje, që do të thotë se nëse sot i takojmë duke punuar, do të përgjigjen penalisht. Duhet të theksojmë se jemi të befasuar nga sjellja e hotelierëve, tek ta kemi vërejtur vetëdije serioze ndërsa presim reagim të menjehershem të kazinove dhe bastoreve, thonë nga Inspektorati i Tregut.
Në terren në gjithë territorin e shtetit do të dalin 100 inspektorë të tregut, ndërsa mbi 20 në territorin e Shkupit.
Ata thonë se do t’i lënë anash kontrollet tjera, ndërsa do të fokusohen tek respektimi i masave nga lokalet.
