Sot pritet mot me alternime të vranësirave dhe intervaleve me reshje lokale shiu, të cilat në zonat juglindore do të jenë më intensive. Në rajonet malore me lartësi më të madhe, përveç shiut, parashikohen edhe reshje dëbore. Era do të fryjë mesatarisht, herë pas here më e fuqishme, nga drejtimi veriperëndimor. Temperaturat minimale do të lëvizin ndërmjet 4 dhe 9 gradë Celsius, ndërsa maksimalet do të variojnë nga 8 deri në 13 gradë.
Në Shkup do të mbajë mot i ngjashëm, me vranësira dhe reshje të herëpashershme shiu, më të theksuara gjatë orëve të pasdites dhe në mbrëmje. Do të ketë erë të lehtë deri mesatare nga veriperëndimi. Temperatura minimale do të zbresë në rreth 7 gradë, ndërsa maksimalja do të arrijë deri në 12 gradë Celsius.
