Kryetari i Lidhjes Demokratike të Kosovës, Lumir Abdixhiku, pas përfundimit të numërimit të mbi 90 për qind të votave, ka pranuar se rezultati zgjedhor nuk e ka përmbushur synimin e tij për ta ngritur LDK-në në nivelin që ai kishte parashikuar.
Ai ka deklaruar se, ndonëse fushata ishte e denjë dhe e pasur në përmbajtje, vullneti i qytetarëve ka qenë vendimtar dhe duhet respektuar pa asnjë hezitim. Sipas tij, rezultati i zgjedhjeve është një mesazh i qartë që partia duhet ta pranojë me përgjegjësi.
Abdixhiku ka bërë të ditur se do të thërrasë Kuvendin e LDK-së, ku do të diskutohen të gjitha çështjet që lidhen me procesin zgjedhor, përfshirë edhe rolin dhe përgjegjësinë e tij si kryetar i partisë.
Ai ka theksuar se nëse Kuvendi i LDK-së vlerëson se dorëheqja e tij është e nevojshme, ai do ta ofrojë atë pa asnjë kundërshtim, duke nënvizuar se çdo vendim do të merret në mënyrë demokratike brenda organeve të partisë.
(Struga Ekspres)
