Sot pritet mot me diell dhe relativisht i ngrohtë, ndërsa vranësirat do të shfaqen vetëm lokalisht nga të pakta deri në mesatare. Në mëngjes pritet të ketë më shumë re, të cilat do të pakësohen gradualisht gjatë ditës. Era do të jetë e lehtë me drejtim nga veriperëndimi. Temperatura minimale do të variojë nga -3 deri në 4 gradë, ndërsa ajo maksimale do të jetë mes 11 dhe 16 gradëve.
Në Shkup moti do të jetë me diell dhe me vranësira të pakta deri mesatare, duke mbetur përgjithësisht stabil. Në pjesë të luginës, në orët e para të ditës, mund të krijohen kushte për mjegull të lehtë. Temperatura më e ulët do të jetë rreth 1 gradë, ndërsa maksimalja do të arrijë deri në 13 gradë.
