Herët në orët e para të mëngjesit, rreth orës 1:23, një tërmet i lehtë është regjistruar në pjesën perëndimore të vendit, në zonën pranë Kërçovës, sipas Qendrës Sizmologjike Evropiane Mesdhetare (EMSC).
Lëkundja ka pasur magnitudë 2 të shkallës Rihter dhe është shënuar në një thellësi prej rreth 15 kilometrash.
Sipas të dhënave të EMSC, epiqendra ka qenë rreth 15 kilometra në jugperëndim të Kërçovës.
Nuk raportohet për dëme materiale apo pasoja të tjera.
Tërmeti është regjistruar gjithashtu edhe nga Instituti i Shkencave Gjeologjike në Tiranë, i cili njofton se epiqendra ka qenë në territorin e Komunës së Debërcës.
